14 августи соли 2014 дар маҷлиси ғайринавбатии умумии саҳомони ҶСК «Агроинвестбонк» Нуралиев Ҷамолиддин Камолович узви Шӯрои нозирони Бонк интихоб шуд. Дар маҷлиси Шӯрои нозирон, ки дар санаи мазкур гузаронида шуд, Нуралиев Ҷамолиддин Камолович раиси Шӯрои Нозирони Бонк интихоб шуд. 

   Соли 1999 Нуралиев Ҷ.К. Донишгоҳи Давлатии Тиҷорати Тоҷикистон, ш.Душанбе бо ихтисоси  «иктисодчӣ /таҳлилгари молиявӣ» хатм намуд. Соли 2006 ӯ Магистратураи фанҳо оид ба  идоракунии молиявӣ Колеҷи  донишгоҳи Мэриленд дар ИМА хатм намуд.   Фаъолияти меҳнатии худро Нуралиев Ҷ.К. дар соли 1999 дар вазифаи Иқтисодчии  Идораи назариявӣ ва методологии Бонки миллии Тоҷикистон оғоз намуд. Аз соли 2001 дар вазифаи Мушовири Директори иҷроияи гурӯҳи Бонки ҷаҳонӣ кор мекард. Соли 2007 ба вазифаи Муовини Вазири молияи Ҷумҳурии Тоҷикистон таъин карда шуд ва аз соли 2010 то айни замон  Муовини якуми Вазири молияи Ҷумҳурии Тоxикистон  мебошад. 

   Бо забонҳои англисӣ ва русӣ озодона ҳарф мезанад.