Шерматов Ҷамшед Нурмаҳмадович бо Қарори Ҷаласаи ғайринавбатии умумии саҳомони ҶСК «Агроинвестбонк» аз 14 августи соли 2014 аъзои Шӯрои нозирони ҶСК «Агроинвестбонк» интихоб гардид.
     Шерматов Ҷамшед Нурмаҳмадович, 7 январи соли 1973 дар шаҳри Истаравшани вилояти Суғд таваллуд шудааст. Соли 1995 Донишгоҳи Давлатии Тоҷикистонро бо ихтисоси иқтисодчӣ хатм намудааст.
     Шерматов Ҷамшед Нурмаҳмадович фаъолияти касбияшро ҳамчун мутахассиси Раёсати муносибатҳои байналмилалии молиявӣ, асъор, қарз ва коғазҳои қиматноки Вазорати молияи Ҷумҳурии Тоҷикистон оғоз намудааст. Соли 1997 мутахассиси бахши назорати иҷроиши уҳдадориҳои қарзии Раёсати қарзи берунаи Вазорати молияи Ҷумҳурии Тоҷикистон шуда кор кардааст. Аз соли 1997 то 2003 дар вазифаи мутахассиси Раёсати коғазҳои қиматнок ва инвеститсияҳои хориҷии Вазорати молияи Ҷумҳурии Тоҷикистон фаъолият менамуд. Аз соли 2003 то 2007 дар вазифаи Сардори Шуъбаи мониторинги сохтори бозори фондии Агентии коғазҳои қиматнок ва инвеститсияи хориҷии Вазорати молияи Ҷумҳурии Тоҷикистон кор кардааст. Соли 2008 - 2011 ҳамчун Муовини директор – сардори Шуъбаи танзими барориш ва назорати муомилоти коғазҳои қиматноки Агентии рушди бозори коғазҳои қиматнок ва бақайдгирии махсусгардонидашудаи Вазорати молияи Ҷумҳурии Тоҷикистон фаъолият намуд. Аз соли 2011 дар вазифаи Директори Агентии рушди бозори коғазҳои қиматнок ва бақайдгирии махсусгардонидашудаи Вазорати молияи Ҷумҳурии Тоҷикистон фаъолият менамояд.
     Шерматов Ҷамшед Нурмаҳмадович, барои рушду нумӯи соҳаи молия бо Ифтихорномаи Вазорати молияи Ҷумҳурии Тоҷикистон ва барои саҳмгузорӣ дар рушди ҳамкориҳои давлатҳо- аъзои Иттиҳод бо Ифтихорномаи фахрии Иттиҳоди иқтисодии Евразия сазовор дониста шудааст.