1 апрели соли 2014, бо қарори Шӯрои Нозирони ҶСК «Агроинвестбонк» Давлатов Ғоиб Ашурович ба вазифаи Муовини Раиси ҶСК «Агроивестбонк» таъин карда шуд.

     19 марти соли 1967 дар ноҳияи Темурмалик таваллуд шудааст. Соли 1988 Омӯзишгоҳи касбӣ- техникии вилояти Волгогради Федератсияи Русия ва соли 1996 Донишгоҳи давлатии тиҷорати Тоҷикистонро бо ихтисоси муҳандис-иқтисодчӣ хатм намуд.

     Давлатов Ғоиб Ашурович фаъолияти меҳнатии худро с. 1984 дар хоҷагии Кангурти ноҳияи Темурмалик оғоз намуд. Солҳои 1985-1987 дар сафи Қувваҳои Мусаллаҳи ИҶШС хизмат намуд. 1987-1988 дар Омӯзишгоҳи касбӣ- техникии вилояти Волгогради Федератсияи Русия таҳсил кард. Соли 1988 ба ҳайси Мудири анбори Иттиҳодияи Ҷумҳуриявии «Тоҷиккитоб» дар шаҳри Душанбе фаъолият кард. Соли 1996 дар вазифаи Директори муассисаи хурди «Ибодат» кор кард. Солҳои 1996-1998 дар вазифаи Муовини Раис ва аз соли 1998 то соли 2001 Раиси Бонки тиҷоратии «Душанбе» кор ва фаъолият намуд. Солҳои 2003- 2006 дар вазифаи Директори Ҷамъияти масъулияташ маҳдуди «Ориё-1» кор кард.

     Давлатов Ғ.А. аз соли 2006 ба сифати Сармутахассис оид ба ҷалби кӯмаки берунаи Маркази ҳамоҳангсозии кӯмаки берунаи Дастгоҳи иҷроияи Президенти Ҷумҳурии Тоҷикистон фаъолият намуд. Соли 2007 дар Муассисаи давлатии «Маркази идораи лоиҳаҳо оид ба ҳалли қарзҳои хоҷагиҳои пахтакор ва рушди устувори соҳаи пахтакорӣ» аввал ба ҳайси Сармутахассис оид ба харид ва аз соли 2009 дар Муассисаи мазкур ба вазифаи Муовини директор то соли 2013 кор кард аз июни соли 2013 дар вазифаи Директори Муассисаи давлатии «Маркази идоракунии лоиҳаи «Рушди деҳот»» фаъолият намуд.