Хабар доир ба Маҷлиси умумии солонаи саҳомони ҶСК «Агроинвестбонк»

23 июни соли 2012 дар Саридораи ҶСК «Агроинвестбонк» Маҷлиси солонаи саҳомони Бонк баргузор гардид. Дар маҷлиси мазкур масъалаҳои зерин мавриди баррасӣ қарор гирифтанд:

- ҳисоботи солонаи Бонк аз рӯи натиҷаҳои соли молиявии 2011 тасдиқ гардид;

- аудитори берунаи ҶСК «Агроинвестбонк» барои соли молиявии 2012 ҶДММ «Грант Торнтон» тасдиқ карда шуд; - ҳайати нави Шӯрои Нозирони Бонк интихоб гардид;

- ба Оинномаи ҶСК «Агроинвестбонк» баъзе тағйироту иловаҳо ворид карда шуданд.

Бо сабаби бо хоҳиши худ аз вазифа озод шудани Раиси Раёсати Бонк Тағоймуродов Ф.Ғ., Шӯрои Нозирони Бонк Солиев Алишер Ҳакимовичро, ки қаблан дар вазифаи Директори Департаменти муносибатҳои байналмилалии Бонки миллии Тоҷикистон кор мекард, Раиси Раёсати ҶСК «Агроинвестбонк» таъин намуд.