Хабар доир ба Маҷлиси умумии солонаи саҳомони ҶСК «Агроинвестбонк»

     29 июни соли 2013 дар Саридораи ҶСК «Агроинвестбонк» Маҷлиси солонаи саҳомони Бонк баргузор гардид. Дар он аъзоёни Шӯро, аъзоёни Раёсат, саҳомони Бонк ва баъзе роҳбарони воҳидҳои сохтории Бонк иштирок доштанд. Дар ҷаласаи мазкур Ҳисоботи солонаи Бонк, Ҳисоботи аудиторони мустақил аз рӯи натиҷаҳои соли молиявии 2012, Кодекси идоракунии корпоративии ҶСК «Агроинвестбонк» дар таҳрири нав баррасӣ ва тасдиқ карда шуданд. Дар Оинномаи ҶСК «Агроинвестбонк» вобаста ба муайян намудани тартиби қабули санадҳои копоративии дохилӣ, инчунин тағйирёбии маҳалли ҷойгиршавӣ ва суроғаҳои почтавии як қатор филиалҳои Бонк баъзе тағйироту иловаҳо ворид карда шуданд.