26-уми феврали соли 2014 дар шаҳри Душанбе, дар бинои Саридораи ҶСК «Агроинвестбонк» вохӯрии роҳбарияти Бонк бо яке аз роҳбарони баландпояи бахши молияи ширкати «Газпромнефт- Тоҷикистон» баргузор гардид.  

     Дар рафти вохӯрӣ ҷонибҳо ҳамкориҳои судманди чандинсолаи хешро дар сатҳи баланд баҳогузорӣ намуданд ва қайд карданд, ки ин ҳамкориҳо минбаъд низ зичтар идома хоҳанд ёфт.  

     Чуноне ки аз ҷониби намояндаи ширкат зикр гашт, «Агроивестбонк шарики стратегии ҶДММ «Газпромнефт-Тоҷикистон буд ва мемонад». Ширкат риоя намудани қонунҳоро аз ҷониби ин институти молиявӣ, дар муносибат оид ба пешкаш намудани хизматрасониҳои босифат ва саривақтии бонкӣ тасдиқ менамояд ва ба ҳамкориҳои дарозмуддати минбаъда умед мебандад.